| 25.01.2025 00:00 |
|
"Тарталы" чыгармачыл тобу алгачкы иш-чарасына чакырат!
Качан: 25-январь, 2025-ж. 2025-жылдын 25-январында Чыңгыз Айтматов атындагы Кино үйүндө Кыргызстандагы жаш кинематографисттерден түзүлгөн “Тарталы” тобунун эки жылдык эмгегинин жыйынтыгын чыгаруучу иш-чара өтөт. Иш-чаранын жүрүшүндө топтун чыгармачылыктагы жетишкендиктери тууралуу маалымат берилип, кинонун атмосферасына сүңгүү менен жаңы кызматташуулардын перспективалары ортого коюлат. Иш-чаранын программасы:
"Эл арасында" даректүү киноальманахынын бет ачары жана талкуусу.
Сиздерге Кыргызстандагы ар кайсы аймактарда тартылган 9 тасмадан турган альманах сунушталат. Режиссёрлор менен болгон талкуу тасмалардын дүйнөсүнө дагы да сүңгүп кирүүгө жардам берет.
Чай-пай. Кино үйүнүн жылуу атмосферасында жаңы идеялар жана тажрыйбалар тууралуу сүйлөшүүлөр жана талкуулар.
Алдыдагы долбоорлордун питчинги. "Тарталы" тобунун катышуучулары ишке ашырууга даяр болгон жаңы идеялары менен бөлүшүшөт.
Иш-чарага каалоочулардын баары катыша алышат.
Долбоор "БАШАТ" Эл аралык стипендиялык программасынын алкагында "Тарталы" коомдук фондунун, Дүйнөлүк түптүү элдердин аксакалдар кеңешинин(WUISP)жана "Арга Билиг" ассоциациясынын колдоосу менен ишке ашууда.
"БАШАТ" программасынын максаты - бул чыгармачыл жаштардын өз маданиятын жана тамырын таануудагы аракетин колдоо, муундар аралык мамилени бекемдөө, өлкөнүн маданият жана искусство жаатында социалдык жактан жоопкерчиликтүү чыгармачыл кызматташууларды калыптандыруу болуп саналат.
Кошумча маалымат үчүн:
E-mail:
Этот e-mail адрес защищен от спам-ботов, для его просмотра у Вас должен быть включен Javascript
+996 556 44 05 43 Тыныстан Темиржан – “Тарталы” тобунун мүчөсү
+996 551 548 549 Миррахим Опош – “Башат” стипендиялык программасынын координатору
|
 
|
