| 30.01.2019 00:00 |
 Министр культуры КР принял группу фильма "Песнь древа"29.01.2019, Бишкек: министр культуры, информации и туризма Кыргызстана Азамат Жаманкулов принял членов съёмочной группы фильма "Песнь древа" и поздравил с главным призом МКФ в Дакке (10-18.01.2019), вручив кинематографистам памятные подарки. Встреча прошла с участием директора Департамента кинематографии Мукталы Бектеналиева.
Кыргыз Республикасынын Маданият, маалымат жана туризм министри Азамат Жаманкулов «Дарак ыры» кино мюзклынын режиссерун кабыл алды.
Кыргыз Республикасынын Маданият, маалымат жана туризм министри Азамат Жаманкулов «Дарак ыры» кино мюзклынын режиссеру Айбек Дайырбеков, Толкун Дайырбекова жана тасмада башкы ролдорду жараткан актерлор менен жолугушту.
Жолугушууда акыркы кезде кыргыз киносу чет элдик кино күйөрмандарынын арасында оозго алынып, анын ичинен “Дарак ыры” кино тасмасынын жетишкендиктери жана учурдагы кино тармагында болуп жаткан маселелер жана долбоорлор тууралуу сүйлөшүүлөрдү жүргүздү. Министр өз кезегинде аталган кино тасманын жаратуучуларына ийгилик каалап, жакынкы убактарда кыргыз киносунун кереметин кайра жандантып, эл аралык абройлуу фестивалдарда кыргыз киносу баш байгени алып жаткандыгы бизди кубандырат деди. 2019 –жыл жаңы башталды. Андыктан, кино жана башка тармактарда Кыргыз Республикасынын Маданият, маалымат жана туризм министрлиги өз компетенциясынын чегинде көмөк көрсөтөөрүн белгиледи. Ошондой эле, жолугушууда Кинемтография департаментинин директору Мукталы Бектеналиев акыркы убактарда өз демилгеси менен кино тартып жаткан муундун өкүлдөрү учурда бийиктиктерди багынтып жаткандыктарын баса белигеледи. Ал эми, кино тармагы аркылуу кичинекей Кыргызстан жөнүндө дүйнө эли таанып жаткандыгын, биздин өлкөнүн жаратылышы кооз экендигин кино аркылуу көргөзүп бергендигибиз кино күйөрмандарын абдан таң калтырды деп билдирди Даккада (Бангладеш)өткөн эл аралык кинофестивалдын жеңүүчүсү Айбек жана Толкун Дайырбековалар. Айнура Асанбаева
|
 
|