17.10.2014 00:00 |
"Кыргызфильм" киносценарийлерге жаңы сынак жарыялады
Урматтуу кинодраматургдар, режиссёрлор жана киносценаристтер Төлөмүш Океев атындагы Улуттук «Кыргызфильм» киностудиясынын редакциясы 2015-жылга карата Ойномо (көркөм)жана Даректүү кинолорго, киносценарийлерди кабыл алат.
Киносценарийлер төмөндөгүдөй эреже менен кабыл алынат: 1. Синопсис (Сценарийдин мааниси жана кыскача окуясы), 1-2 барак. 2. Тритмент (Сценарийдин окуяларынын кеңири түшүндүрмөсү, 6-7 барак.
Даректүү кинолорго: Даректүү кинолорго билдирмелер кабыл алынат(Тема. Актуулдуулугу. Эмне жөнүндө? Көтөрүлгөн көйгөй?), 1-2 барак. Эскертүү:(Аңгеме, повесть, поэма жана башка форматтагы чыгармалар кабыл алынбайт). Сценарийлерди кабыл алуу форматынын үлгүсү: Жалпы көрүнүшү: 1. Титулдук баракчадан кийин, сценарийдин тексти кетет. «Каармандар жөнүндө маалымат, тартуучу топко каалоо-тилектерди калтырууга, мазмуну, автордун укуктук негиздери, иллюстрация жана автобиография болбошу керек». 2. Сценарий УЧУР ЧАКТА ГАНА жазылышы керек. Эч кандай: «Көргөн. Турган. Айткан» деген болбойт. Туурасы: «Көрүп турат. Турат. Айтып жатат». 3. Сценарий эч качан биринчи жактан жазылбайт. ДАЙЫМА үчүнчү жактан жазылуусу шарт. Эч кандай: «Мен көрүп турам, карап турам» болбойт. Туурасы: «Ал карап турат». 4. Беттердин кезеги 1,25 см барактын үстүңкү оң жак бурчунда жайгашуусу зарыл. Беттерге номер коюу титулдук барактан эмес, сценарий башталган барактан башталат.
Форматтоонун кыскача түшүндүрмөсү 1. Шрифт: Courier New 2. Шрифттин көлөмү: 12 3. Түздөө: сол тарапка карай түздөлөт 4. Калың шрифт, курсив жана асты сызылганшрифттер (ремарка, же болбосо кайсы бир маанилүү жерин белгилегенде да)эч качан пайдаланылбайт. 5. Беттин үстү жагынан – 2,5 см, Төмөн жагынан – 1,25 см, Сол жагынан – 3,75 см, Оң жагынан – 2,5 см бош калып, калган жери өзгөрүүсүз калат. 6. «Каармандын аты» блогунун «Абзацы»: Сол жактан – 6,75 см болуусу шарт. Калган жери өзгөрүүсүз калат. 7. «Каармандын репликасы» блогунун «Абзацы»: Сол жактан – 3,75 см, Оң жактан – 3,75 см. Калган жери өзгөрүүсүз калат. 8. «Ремарка» блогунун «Абзацы»: Сол жактан – 5,5 см, Оң жактан – 4,5 см. Калган жери өзгөрүүсүз калат.
Сценарий «Кыргызфильм» киностудиясынын редакциясына берилиши керек. Маалымат алуу үчүн: Үсөнов Токтобек: 0556076603
|